Deskribapena
Neguko haur kantak abesti bilduman, elizaren egutegia eta ikuspegiari lotutako tradiziozko kantagintza gainditu eta bestelakoa proposatzen duen kantu multzoa bildu dute Kurkuluxetan elkarteko lagunek. Hamar kantu berri eta hiru tradizional bildu dituzte musika antzezlan berri bati soinu banda jarriko dion disko honetan. Kantuotan, eta mitologia, solstizioa, natura eta neguko giroan oinarritutako antzezlan horren bidez gure tradizioak helarazi nahi dizkiete haurrei, euren esanetan “zenbait balio transmitituz, batez ere, laguntasuna eta berdintasuna”.
