Deskribapena
Danieuris eta Daniellis Moya Ávila ahizpak ditugu D’Capricho bikotea. Aurreko urtean Las dos D izenarekin arrakastaz ibili ostean, 2015ean euskarazko kantu bilduma hau prestatu digute. Kubatarrak dira, baina euskaraz kantatzen entzungo ditugu disko honetan. Hiru emakumezko idazle euskaldunen letrak musikatu eta abestu dituzte bi andrazko kubatar hauek, Leire Bilbao, Arrate Mardaras eta Miren Agur Meabe. Hortik Andrazkubak izenburu aproposa.
